سائق وليس رجل

رجل كان يعمل سائق تكسي

وفي يوم من الايام اجى طلب على منطقة بدون ذكر اسمها

المهم راح الطلب وهو راجع لقي بنت واقفي جنب الشارع واشرتلو

وقفلها وحكتلو منشان الله خدني عالمستشفى

ومبين انها حامل

ولما دخلت عالمستشفى

طلب منو الدكتور انو يستناها عشان يساعدها

وينادي اهلها

وافق السائق وضل يستنى ويا ريتو ما ستنى

وفي هداك الوقت ما كان في بلفونات نقالي متل اليوم

ولما ولدت المره حكولها طيب مين ابوها عشان نعملو شهادة ميلاد

حكتلهم انو السائق ابوها

وصار جدال وطوشة بالمستشفى

وطلع في طبيب شوي بفهم

حكالهم يا عمي بنفحص الدم

السائق وافق عشان واثق من حالو

فحصو الدم وطلع السائق اصلا بخلفش

حكالهم السائق مستحيل

حكالو الطبيب ليش الفحص تم 3 مرات للتاكيد وانت يا عمي بتخلفش

انجن السائق وروح عالدار ومسك مرتو واولاده ال5 وال4 بنات

وحكا لمرتو ولاد مين هدول

حكتلو يدهاك في اهلك هدول ولادك

حكالها انا بخلفش

المهم صارت طوشه وآخر شي طلعو ولاد اخوه المعاق

المهم حكا لمرتو هدول ولادك

وحكى لاخوه هدول ولادك وانا ما الي شي

وطلع ودار بالشوارع

وبعد حوالي سنة توفى بحادث سير

هادي القصة والله حقيقيه وكل ختيارية نابلس بعرفوها اكيد

لا حول ولا قوة الا بالله